دلوعة أسما
®مراقبة عامة®
تاريخ التسجيل : 23/02/2010
المشاركات : 4112
معدل تقييم المستوى : 9385
الاوسمة : 
 |  موضوع: أدينى هيافة........أحبك يافننس....  الخميس أكتوبر 21, 2010 11:03 am | |
| طبعا العنوان غريب حبيتين بس الاول صباح الخير ومسا الخير
على احلى ناااس
ياريت واحد نسكافيه هعشان هنتكلم فى موضوع بيخصنا نحن
البشريه المصريه
بالنسبة للهيافه اللى احنا فيها ..... !!!!
او الهيافه اللى مش بناخد بالنا اننا بنجرى وراها
أما شفت امبارح حته فيلم جامد مووت ملوش قصة بس ضحكنى
اوى سمعت أغنية نوسه ؟
اسكت امبارح حرقت دم الواد احمد فى البلاى ستيشن
اسكتى امبارح الواد احمد زميلنا ضيقته زى ماضيقنى انا خلاص
هعمله اختبار اعرفه مقامه ......... استلم وعدك يااحمد
مفيش فيلم جديد ولا اغنيه جديده ولا اى لعبه عندك جديده
ماتنزلى ياعم اسطوانه كده بالجديد
الموقف ده شوفته بعينى الراجل مدوخ نفسه وجايب الهارد
عشان مجموعه افلام والعاب والله بيتعب عمممممممممار
يامصر.... ؟
إدينى فى الهايف وأنا أحبك يا فننس ... !!!
فاكرين الجمله دى ؟ ... لما قالها محمود عبد العزيز فى فيلم
الكيف ، واللى المفروض كان حشاش ومهنته مطرب هابط .
بس اظاهر انها بقت مبدأ عند كتير من فنانينا
الأجلاء أصحاب
روائع
" العنب والبلح والباذنجان " أطلال ايه ورق الحبيب أيه ؟!
ييجوا ايه جمب قوم اقف وانت بتكلمنى وبوس الواوا ؟ هيفااااااء
وييجى واحد زى يوسف شاهين يعمل أفلام مالهاش معنى زى "
المهاجر والمصير "
هى الناس ناقصه ؟ !!
يروح يتعلم من الاستاذ محمد سعد وروائعه اللمبى وكركر
واللمبى
للاسف أصبحت التفاهه هى اقرب طرق النجاح والوصول للناس
وأصبح للغناء مبدأ واحد " اللى يتمسخر اكتر هيتشاف اكتر "
والإسفاف فى الافلام علامة مسجله .
وكميه الاغانى الشعبيه اللى بتخرج فعلا عن السياق اللى تشمئز
انك بتسمعه
مثال خد عندك انا شارب سيجاره بنى ......تخيل بقا اخوك
الصغير بيغنى الاغنيه دى
دى ليله فل الصلاة على النبى
ولا يسمع اغنيه اركب الحنطور ........ولايسمع الست روبى يكل
مااقوله اه يقولى هو لالالا
الجمهور عايز كده !!
والحجة الاساسية فى كل ده ( الجمهور عايز كده ) ..
هل فعلا الجمهور عايز كده ؟
الجمهور اللى قابلته واللى دايما بيعلقوا عليه اسفافهم قال إنه
بيدخل الافلام دى مضطر لأنه
مفيش غيرها ، لأ الجمهور مش عايز كده الجمهور عايز حاجه
يأمن على أولاده
وهم بيشاهدونها ..
وتذكرت كلمة أم : إن نوعية الافلام زى اللى بيقدمها احمد حلمى
بتريحها مش طول الوقت تفضل قلقانه على طفلتها من أى مشهد
أو لفظ جارح .وغيره كتييير اوى ...
قال ايه سياق درامى ؟ !
وبالنسبه للمشاهد والالفاظ الاباحية زهقنا من جملة الاطار
الدرامى عايز كده ،
والمخرج عايز كده والاضاءه عايزه كده .......كمان شويه
البواب عايز كده
ولا نعرف ما هى الدراما فى جملة زى ( الصراحه راحه يا حاحا
وأنت مبتعرفش ) فى فيلم زى حاحا وتفاحه !! طبعا غنى عن
التعريف فيلم هادف لقضيه تخرج منه بهدف قدام عينك
وغيرررررررررررره
أما قنوات الاغانى فحدث ولا حرج فعلا أصحاب القنوات دى
محتاجين يحطوا النقط على الحروف
ويحطوا ملابس أكتر على أجساد مطرباتهم وموديلز الاغانى .
ويأتينا سؤال لماذا لا ينجح كل ما هو هادف ويحاول الارتقاء
بفكر الناس ؟ ..
سؤال تانى ........ليه الناس بقيت تجرى وراء الهيافه.....عشان
مفيش غيرها معتقدش ........؟؟
شايفين ان فيه حل يرضى نظره عينك بدل ماهى قاعده فى
الراحه والجايه وجوا وبرا تاخد سيئات على
ودنه ...............؟؟
تفتكر ان موضوع هيتطور للاسوء خلال الايام الجايه .....طيب
وولادنا واخواتنا الصغار هيبقوا على كده عينيهم
مفتحه ...........؟؟
الاستسهال ومبدأ إدينى فى الهايف وأنا أحبك يا فننس !
منتظره مناقشتكم يمكن نخرج باستفاده ومبدا ميتغيرش | |
|
SEREN ASEF
•المراقب الاداري•
تاريخ التسجيل : 03/03/2010
المشاركات : 13399
معدل تقييم المستوى : 15389
الاوسمة : 
| | موضوع: رد: أدينى هيافة........أحبك يافننس.... الخميس أكتوبر 21, 2010 11:38 am | |
| الناس بقيت كدة
للانهم تعبوا من الحياة
وكل المشاكل اللى فيها
بصراحة انا مش ضد الموضوع دة
وخلى الناس تافة شوية حرام تعبوا من كل حاجة يضحكوا شوية | |
|
