حنيـــــن ناهـد ®مشرفة®
تاريخ التسجيل : 13/06/2010 المشاركات : 428 معدل تقييم المستوى : 804 الاوسمة :
| موضوع: نكت مصريه الأحد فبراير 27, 2011 5:01 am | |
| نكت مصريه
نكت مصريه2011 ههههه
مدرس بيسأل الطلبة فى الفصل بتعملوا ايه اول ما تروحوا البيت ؟ الاول قاله انا بتفرج عالتلفزيون واروح لاحمد بتاع الحشيش ..التانى قاله انا بلعب كورة واروح لاحمد بتاع الحشيش ..التالت قاله انا بذاكر واصلى واقرا قرآن ،، المدرس فرح بيه اوى وخده بالحضن وقاله اسمك ايه ؟؟؟ قاله انا احمد بتاع الحشيش
واحد الدغ فى حرف الـ (ر) وبيتكسف جدا لما يشترى شاورمة يقول للراجل هاتلى شويمة فبيقوله هاتلى واحد كفته وخلاص وهو زعلان جدا .. طلعله عفريت قاله تطلب ايه ؟ قاله نفسى اقول شاورمة صح .. قاله خلاص قولها بكرة بس هتكون مرة واحده بس .. راح المحل وبيقول للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد كفتة الله يحرقك
مرة واحد بيعدي الشارع مع صحابه خبطته عربية ومش عارفين يقولوا لمراته الخبر ازاى ..شالوه وراحولها البيت فتحتلهم الباب واحد منهم قالها : جوزك ضيع كل فلوسه عالقمار.. قالتله : إلـهي ينشل البعيد !! .. قالها: وباع البيت .. قالتله: إلهي يبيعوا عنيه !!! قالها: واتجوز عليكي على فكرة .. قالتله: إلهي يدخلوا عليا شايلينه !!.. الراجل قال : بــس .. خشوا يا شباب
بخيل جالة ضيوف قال لمراتة انا بفكر ادبح البغبغان عشان نعمل شوربة وفته و نشوى الضلوع على الفحم ونعمل الجناح هواية وممكن كمان نعمل لحمة راس ومخ ونقلى الكبد والقوانص ... رد البغبغان وقالة ما تيجى تحلبنى بالمرة عشان تعمل رز بلبن ياروح امك[ندعوك للتسجيل في المنتدى أو التعريف بنفسك لمعاينة هذه الصورة] اتنين ماشين في الشارع و الدنيا بتمطر عدت عربيه بسرعه غرقتهم ومشت واحد قال للتانى : تعرف لو كان حصل معانا كده في المهندسين بقى كان السواق وقف .. وخدنا بيته .. و غيرلنا هدومنا .. و خلانا نبات عنده .. وكان ادانا 100 دولار الصبح واحنا ماشيين كمان ... التاني قاله : بتتكلم بجد والله ؟؟؟؟؟؟ قاله اه و الله حصلت مع أختي
واحد كل يوم يعدى على مطعم ويسأل الطباخ عندكوا كيكة الطماطم ؟ فيقوله الراجل لاء فيجى تانى يوم يسأله عندكوا كيكة الطماطم؟ فالراجل يقوله لاء .. ويجى تالت يوم يعمل نفس الحكاية .. فالراجل زهق و قال لما اعمله كيكة طماطم و امرى لله .. جه تانى يوم وقاله عندكوا كيكة الطماطم ؟ فالراجل قاله ايوا يا سيدى .. قاله : يععععععع بتاكلوها ازاى دى ؟؟؟
اتنين حراميه دخلوا شقة بليل .. صاحب الشقة صحى فجأة فواحد منهم استخبى فى البلكونة والتانى استخبا فى الحمام .. شوية وصاحب البيت دخل البلكونة ومسك الاولانى وقاله انت بتعمل ايه هنا ؟؟؟ فالحرامى قاله استنى بس هفهمك .. أأ..أأأ...أنا من سلاح الطيران فى الجيش وكنت بحارب اليهود بالطياره لكن صاروخ جه فيا فنزلت بالبراشوت في البلك...ونة دى ... الراجل قاله : ايوه أهو انت كده بطل ، مش التاني اللي نايملى في البانيو ويقولى ضفادع بشريه
مرة 3 أطفال راحوا محل لعب واد منهم بيقول للراجل : عمو عمو عايز بلونة .. الراجل جاب السلم وطلع جابله بلونة ونزل وسأل التاني: وانت عايز ايه ? قاله عايز بلونة .. قاله وماقلتش ليه منا كنت فوق !! المهم طلع جابهاله وهو فوق سأل الواد التالت: وانت كمان عايز بلونة ??? قاله لأ.. فنزل الراجل وسأله : امال عايز ايه ? قاله عايز بلونتين
بلدياتنا راح شقة مشبوهه لقى مراته هناك ... قال أحـــمـــدك يــــارب مكتوبلى الحلالوأحـب أقـولكم بــس مـا تضحــكو كثير أخاف عليكم خــاصة بنت سوسو وسارة | |
|
SEREN ASEF •المراقب الاداري•
تاريخ التسجيل : 03/03/2010 المشاركات : 13399 معدل تقييم المستوى : 15389 الاوسمة :
| موضوع: رد: نكت مصريه الإثنين فبراير 28, 2011 6:53 am | |
| | |
|
●●عــســل اسمي ®مشرفة®
تاريخ التسجيل : 18/12/2010 المشاركات : 326 معدل تقييم المستوى : 337 الاوسمة :
| موضوع: رد: نكت مصريه الإثنين فبراير 28, 2011 10:12 am | |
| ههههههههههههههههههههههه جنان هههههههههه | |
|
Admin ®الاداره®
تاريخ التسجيل : 22/02/2010 المشاركات : 3327 معدل تقييم المستوى : 4491 الاوسمة :
| موضوع: رد: نكت مصريه الثلاثاء مارس 15, 2011 11:31 am | |
| سلمت يمناكي ياحياتي هع هع هع هع هع وبإنتظار المزيد
| |
|