ولد شقى بشكل

موضوع: ولد شقى بشكل الثلاثاء يونيو 22, 2010 4:49 am

وام ابنهم شقى اخر حاجه تعالو
نشوف عمل معاهم ايه
الولد : صباح الفل يا بابا .

الاب : صباح
الخير يا حازم ازيك يا حبيبى.

الولد : تمام الحمد لله انت عامل ايه
وازاى مراتك اللى هيه امى.

الاب : متحترم نفسك يا واد انت ايه مراتك
دى .

الولد : خلاص يعم متقفش كده ده انا بروش معاك.

الاب :
فى ولد فى خامسه ابتدائى يتكلم بالاسلوب ده.

الولد : المهم المهم
ايدك على خمسين جنيه.

الاب : ايه خمسين جنيه ايه منا لسه مديك
تلاتين امبارح.

الولد : اه منا صرفتهم على كوكو الضعيف . ( سجاير
يعنى )

الاب : ايه كوكو مين .

الولد : ينهار اسود هو انا
قولت كوكو الضعيف.

الاب : اه وعاوز اعرف حالا ايه كوكو الضعيف اللى
بتصرف عليه فلوسك ده .

الولد : يا بابا ده ده ده ده ده .

الاب
: ده ايه انطق .

الولد : ده واحد صاحبى جاله فقر دم ونقص غذا ورعش
فى الايدين والمفاصل ونظرو ضعيف وعندو كوساح عام .

الاب : اهىء اهىء
يا عينى يبنى الواد ده صعب عليه قوى .

الولد : اه يا بابا ده بيموت
عشان كده قولت اخد منك خمسين جنيه ادخل عليه بكيس مانجه على كيس جوافه
واضرب انا الباقى فى جيبى.

الاب : اخرس يا كلب يا قليل الادب عمال
تفشر عليه من الصبح وانا ساكت امشى مفيش خمسين جنيه.

الولد : هي
بقت كده اشطه يا بابا خليك فاكرها .

....................................

شويه
والتليفون رن .

الاب : زفت يا حازم رد عالتليفون .

الولد
: يخرب بيت حازم على ابو حازم عاليوم اللى جيت فيه.

الاب :
اخرس يا قليل الادب ورد.

فى الوقت اللى حازم بيرد فيه
عالتليفون كانت مامته فى المطبخ بتحضر الغدا.

الولد: الوو مين
معايا.

واحده : اللوو بابا موجود يا حبيبى .

الولد :
اه بس انتى مين ؟

واحده : قولو طنط فيفى عالتليفون .

الولد
: احبك يا فيفى .

الست : ايييه؟

الولد : بقولك حاضر
ثانيه واحده .

الست : اه بحسب اصلها جت فى ودنى احبك .

الولد
: لا يا شيخه ده تداخل تليفونات انتى عارفه اليومين دول الميه داخله فى
التليفونات والكهربا فى النت والعمليه اخر لخبطه.

الست : انت
رغاى اوى يا اسمك ايه نادى باباك بقه واخلص .

الولد : محسوبك
حازم ابن الراجل الرخم اللى عاوزه تكلميه ده .

الست : تشرفنا .

الولد
: ثانيه واحده بقه اروح افضحه واجى قصدى اناديله واجى .

الست :
طيب .

..............................................

حازم
مسك السماعه وقرب لباب المطبخ عشان يخلى مامته تسمع .

حازم :
بابا يا بابا طنط فيفى عالتليفون واخد بالك فيفى عالتليفون .

الاب
: فيفى مين معرفش حد بالاسم ده .

حازم : هتطلع بالخمسين جنيه
واقول النمره غلط ولا اسيح.

الام : فيه ايه وفيفى مين دى.

حازم
: يا ماما واحده اسمها فيفى اومال هتكون فيفى عبده اقولها انت هنا ولا لا
يا بابا.

الاب : يخرب بيتك معرفهاش .

الام : طلقنى
يا شوكت طلقنى مش هعيش معاك بعد كده.

الاب : خربتها يا غبى انت
لايمكن تكون ابن انت مصيبه.

الولد : وسمعنى اغنيه انتى اللى
طلبتى تطلقى وتسيبى بيتك وتفلقى.

...................................

حازم
حس ان ابوة وامه هيطلقو بجد بسبب استهتاره .

راح ماسك السماعه .

حازم
: الو انتى يلى اسمك فيفى انتى عاوزه مين بالظبط .

فيفى :
باباك الاستاذ مراد .

حازم : مراااااااد كتك الارف معندناش
مرادات هنا ومتتصليش هنا تانى .

.................................

وراح
حازم يحاول يصالح ابوه وامه .

دخل عليهم بيعيط عشان يصعب عليهم
وميطلقوش .

حازم : بابا ماما لالالالالالالالا متطلقوش انا كده
هضيع واروح فى الرجلين

واشرب بانجو وكوكو الضعيف يرضيكى كده يا
ماما,

الام : لا طبعا كوكو الضعيف ايه اللى هتشربو مش كفايه
البيبسى اللى بتبلبعه طول اليوم انت عاوز يجيلك هشاشه عظام,

حازم
وهو مستغرب : بيبسى بقا انا اقولك بانجو و كوكو الضعيف وانتى تقوليلى
بيبسى .

الاب : خلاص بقه الواد هيضيع مننا .

الام :
خلاص بدام طلعت مظلوم يا شوكت مسامحاك.

حازم :
هيييييييييييييييييييييييييييه اشطات مربات عسليات طب ايديكو عالمتين جنيه
اللى كنت عاوزهم .

الاب : هما مش كانو خمسين جنيه من ربع
ساعه .

حازم : منت عارف الضرايب والاسعار بتغلى بين يوم وليله .

الاب
: خلاص يا حازم هديك الفلوس اللى انت عاوزها بس متشربش كوكو الضعيف.

حازم
: لا يا بابا كوكو الضعيف ايه خلاص بطلتو انا هروح اشرب بيبسى
هههههههههههههههههههههه

هههههههههههههههههه جمليه اوي

ياعسسسسسسسل تسلم ايدك

وانتظار منك المزيد

ميرسى عيون اسما

ونورتى التوبيك

موضوع: رد: ولد شقى بشكل الأحد يوليو 04, 2010 1:05 pm

[ندعوك للتسجيل في المنتدى أو التعريف بنفسك لمعاينة هذه الصورة]

نورتى التوبيك ياساسو

» حلى قهوه مزين بشكل رائع جدا
» درس عمل خلفية رائعة والكتابة عليها بشكل مميز
» تفاعل الجمهور بشكل كبير مع زينة في مهرجان المحبة
» ماذا لو أنقطع الإنترنت بشكل نهائي !!؟, كيف ستكون حياتك ؟؟
» كلام رانيا ومحمد رمضان معجب بشكل ميرهان